Arantxa IDIEDER
Kazeta_-_korrika_apirilako_14ko
Ez dadila bide bazterrean egon bota dugun izerdia

Bere azken izerdia bota du Arantxa Idiederrek KAZETA.eus-entzat.

2019/04/15 09:13 | 0 iruzkin

Nire lehen kronika, ostatuko irudi batekin hasi nuen. Garestik abiatu zen egunean, kanpoan Korrikaren furgoneta pasatzen ari zela, ostatu barnean zen jendeak bere bizia segitzen, Klikalarien karabanak abiatzen zuelarik abentura. Azken argazkia, larunbatean Oñatin hartua izan da, korrikalariak karrikatik pasatzen ari zirela, barneko langileak, haur batzuen maneran lasterka joan ziren leihora herritarrekin oihu egitera, indar horren arnasaz elikatzera.

Bide bazterretan egon dira milaka, hatsanturik, furgonetaren gibelean, gorputzean zuten indar guztia eskaini ondotik. Hauen indarraz ere elikatu dugu gure lana hamaika egun hauetan. Euskaraldiaren hamaika egunek ere, Klika egiten bultzatu gintuen, eta Amets Arzallusek erran zuen bezala hamabigarren eguna da garrantzitsuena, eta ondokoak. Ordu honetan lekukoak gordetzen zuen mezua ez dut ezagutzen, bainan elkarrekin bizitako euskararen aldeko indar hori gorpuztea gure gain dela orain segur naiz. Ez dadila bide bazterrean egon bota dugun izerdi hori.

ERLAZIONATUTAKO ALBISTEAK