Bost egun kaleratua izan ondoren, 2.000 ikustaldi ditu kasik Antton Larrandaburu eta Bitxiloreak taldearen kantuak. "Gaueko xoria" du izena eta etengabe entzun daitezkeen abesti horietakoa da. Kantariaren ahots erlastua seduzitzaile bilakatzen da nota gorenetara jotzen duenean.

Haien aldetik, Antton Araspin, Benjamin Labak eta Miguel Etxeberri musikariek ederki laguntzen dute melodia, apainketa gehiegirik gabe. Lehen diskoa grabatu dute dagoeneko lauek. Hogei bat urte dituzte taldekideek eta agian etorkizun polita musikaren munduan.